.     نبض القلب
بقلم/ أيمن صبري 
بحبك والهوى جالك 
يغني الشوق على بابك
يا نبض القلب دا قلبي
هجرني وبات على اعتابك
لو كنت يوم تصبرني
بنظرة شوق تحيرني
أو كلمة حب يا غالي 
تبات الليل تسهرني 
أعيش راضي بحرماني 
بكلمة ونظرة في غيابك
بحبك والهوى جالك
يغني الشوق على بابك 
عينيك الحلوة قدامي
في قلبي وسط أحلامي
وصورتك عايشة جوايا
في يومي وكل أوهامي
أخاف انطق يشوفوكي 
في عيني وصوتي وسكوتي
نفسي أخبي و أداري
عن العشاق كده حالي
ياريت ترجع ليالينا
دا هواكي احتل أركاني
ياريت أرجع على بابك
وأعيد القصة من تاني
يهجرني قلبي لأعتابك 
ويغني شوقي لأحبابي 
يا نبض القلب دا قلبي
هجرني وبات على اعتابك 
بحبك    والهوى   جالك
 يغني الشوق  على  بابك