الدكتور /أيمن شعبان أحمد الناقر
{عبق الأرض }
في يوم من الأيام
قالوا لي هات الورق
و اكتب عليه اسمك
واوصف عليه رسمك
انا قلت هاتوا الورق
و قولوا لي مين انتم
انا مصري من طينها
طول عمري صاينها
و ما اخونها لو خنتم
عاشق تراب الأرض
هي الشرف والعرض
و ب روحي أفديها
و ب دمي أرويها
و بعد فرض الله
ليها السنن والفرض
مصر الأمان والخير
أم الكرم والجود
من خيرها تدي الغير
ولا تنتظر مردود
هاتوا الدفاتر وارجعوا
قبل التاريخ ما يعود
ها تلاقوا فيها الخير
قبل التاريخ موجود
واقفة وصالبة الحيل
زي الجبل ويزيد
لا يهمها اللي يخون
و لا ناكر المعروف
دا لا كان و لا هيكون
دا الوعد وعد الله
فيها السلام مكنون
شوفوا الكتاب وافهموا
دا حباها رب الكون
من قبل موسي النبي
وحكايته مع فرعون
جنة وأرضها كنانة
وعدوها ملعون
هاتوا الدفاتر واقرأوا
وتبقي مصر أم الكون
دكتور /أيمن شعبان أحمد الناقر
موضوع: عبق الأرض ...بقلم المبدع أيمن شعبان أحمد الناقر 
الأربعاء يوليو 22, 2020 7:25 pm
