اتكلمي*** بقلم المبدع /// يحيى حسين

Admin المساهمات : 871 تاريخ التسجيل : 16/12/2018

اتكلمي

اتكلمي واشكي
اللي فيكي
ضروري أنا أسمع
لازم طبعا اراضيكي
ادوق الملح من نهرك
اتعذب انا بقهرك
وما اخد منك غير الدمع
وشوك زهر اراضيكي

وانا بحزني مين اهتم
وريد مقطوع وشريان دم
ولو مرة جيت اشكي
ولهمي انا احكي
الاقي الدنيا تعاتبني
وتقول عيب عليك اتلم

اداري الحزن في ضلوعي
ارخي الحلم وقلوعي
واعوم وحدي مع التيار
بلا مركب وضوء وفنار
وانكوي بنار الشوق
واخنق دمعي كشموعي

انا نفسي يا حبيبتي
في حضنك مرة يسمعني
نفسي اترمي في صدرك
وقلبك مرة كده يسعني
نفسي تكوني زي الأم
تحس بضعفي بيه تهتم
ولكن عارف ان دا حلم
وياما بوهمه ضيعني

يخيى حسين 6 يوليو 2020