لا تخوني..
لا تخوني حتى
ولو قالولك
عني انا الخوان
ما بتعرفي يا بنت
انا المغرم العشقان
لعيونك..
وحرقت ثنايا الروح
واشعلت مهجة الوجدان
تاصونك..
بضحك بوجهك
وانا المهموم
بناجي الليل
وقمر ونجوم
يا فراش الليل
تع ولا تروح
وافرد جناح وحوم
وخذ من شفافي
حلا بسمات
محمله بوردات
وارسمهن ع خد
حبيبي نجوم
أنا اللي سرح شعرك
الأشقر..
ومع خيال الروح
بيغازل وبيسهر
وغازل النجمات
كرمالك...
لا تخوني حبيبك
يا غزال الروح
ما كنت خوانك
انا اللي عشق
عطرك الفواح
ع قمصانك..
وغازل عينيك
الخضر..
وزاد الحشى نيران
اشجانك...
انا اللي حمل هم الدني
وما قال الآخ عنشانك
وياما سهرت بليل
اراعي نجمك السهران
كرمالك..
حتى صدى الهمسات
بتصيح مني انا
وبتقول:
عشْقانكْ.......
حسين حمود
فلسطين دير الاسد الشاغور
موضوع: لا تخوني بقلم المبدع حسين حمود 
الجمعة نوفمبر 15, 2019 10:31 pm
