***سجال بين الشعراء ***
.........
الشاعر ..ياسين مصطفى بكري
........
والشاعرة..لبنى ناصر...
.......
ياسين
.......
حَبيت شَمعة بليل مَضوية
بتِضوي علينا بكُل سَهرية
انت البدِر ضاوي علنا دوم
من السَما جاي بشكل حورية
........
لبنى
........
شَمعتَك ضاوية عَلينا الدار
من نورها ليلك بكون نهار
بتِشتعل من قَلبك ومن قلبها
وبتقلك يا بعد عمري وقلبي
ابقى معي نسهر بعد اسهار
........
ياسين
........
منسهر انا وانتٍ عَضو القمر
وبتبقى السَعادة بقَلبنا كل العمر
انت عَزيزة كثير عا قلبي
بسهَر معاكِ الليل حتى الفَجر
........
لبنى
........
بسهر أنا وياك ما بدنا حدا
حتى الليل يمُر فينا عالهدا
وقلك بحبك لطلوع الفجر
وتقلي بحبك للصبح ترددا
........
ياسين
.........
بحبك أنا والحُب في قلبي
يا نور عيني ويا فضا عمري
انتِ الزهر ومزينة البستان
وبِتعَطري الازهار من عُطري
..........
لبنى
.........
زَرَعت الفَرَح بقَلبي في نيسان
والزَهر نَوَر أروع الالوان
ديما بَشِم بعُطرَك الفَواح
عُطُر أنفاسك حَبَق مع ريحان
.......
ياسين
.......
حُبِك بقَلبي نار او بركان
ليه فَتَنتيني بخصرك الفَتان
لو تعرَفي شو صار بغيابك
غرِقت بهَواكي نزِلت بالطوفان
.........
لبنى
........
قلبي ذاب كثير عا هَجرَك
كُل الدني بشوفها بنَظَرك
بقولها انت المُنى وانت النصيب
ما غدِرت يوم أتخلى عن دَربَك
........
ياسين
.......
قَلبِك الي ذاب من هَجري
خليه مَعاي ودائما جَنبي
لما نصيبك وصل عَجناحه
بُسكُن عُيوني وبُدخُل بقَلبي
.......